{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

【免運費🚚】任何消費即享免費本地順豐配送服務! (油尖旺地區限定🚚：每日下午三時前下單更可即日送達！)

【全單再95折】註冊成為網店會員並登錄，然後在結賬時輸入優惠碼（優惠碼: MEMBERSALE）

【免運費🚚】任何消費即享免費本地順豐配送服務! (油尖旺地區限定🚚：每日下午三時前下單更可即日送達！)

【全單再95折】註冊成為網店會員並登錄，然後在結賬時輸入優惠碼（優惠碼: MEMBERSALE）

【免運費🚚】任何消費即享免費本地順豐配送服務! (油尖旺地區限定🚚：每日下午三時前下單更可即日送達！)

你的購物車是空的
{{ (item.variation.media ? item.variation.media.alt_translations : item.product.cover_media.alt_translations) | translateModel }} {{ (item.variation.media ? item.variation.media.alt_translations : item.product.cover_media.alt_translations) | translateModel }}
{{ 'product.bundled_products.label' | translate }}
{{ 'product.bundle_group_products.label' | translate }}
{{ 'product.buyandget.label' | translate }}
{{ 'product.gift.label' | translate }}
{{ 'product.addon_products.label' | translate }}
{{item.product.title_translations|translateModel}}
{{ field.name_translations | translateModel }}

  • {{ childProduct.title_translations | translateModel }}

    {{ getChildVariationShorthand(childProduct.child_variation) }}

{{ 'product.set.open_variation' | translate }}

  • {{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

    {{ getSelectedItemDetail(selectedChildProduct, item).childVariationName }}

{{item.variation.name}}
{{item.quantity}}x HK$0 {{ item.unit_point }} 點
刪除
{{addonItem.product.cover_media.alt_translations | translateModel}}
{{ 'product.addon_products.label' | translate }}
{{addonItem.product.title_translations|translateModel}}
{{addonItem.quantity}}x {{ mainConfig.merchantData.base_currency.alternate_symbol + "0" }}
刪除

美妝資訊

2025-06-20
【曬後修護】夏日紫外綫唔使驚：曬傷曬黑修護Tips

  炎炎夏日，出去玩嘅心已經忍唔住啦！不過夏日嘅紫外線咁強，一唔小心就好容易曬黑或者曬傷。究竟曬後應該點樣修護？今次就等我嚟同大家詳細講解下啦！  ☀️被曬之後，皮膚有咩反應？  - 輕微曬傷：皮膚會有少少熱、紅同埋灼熱感，通常自己都會好返。- 中度曬傷：皮膚會紅腫，甚至起細水泡，可能需要治療。- 嚴重曬傷：皮膚會嚴重紅腫、發熱同埋起水泡，可能會留低永久嘅疤痕。  一般嚟講，曬後1日內會出現相應嘅症狀，1至3日內皮膚開始變黑，4至7日內可能會有甩皮嘅情況。  💦曬傷之後應該點處理？  - 曬後2個鐘頭內：用物理方法降溫，可以用凍水沖下，或者用毛巾包住冰袋，敷喺曬傷嘅地方。- 曬後3至6個鐘頭：鎮靜同舒緩皮膚，用啲補水保濕嘅產品，畀足夠嘅水分畀受損嘅皮膚，記住唔好用太厚嘅產品，要保持皮膚透氣。- 曬後1至3日：曬後症狀慢慢消失，受損嘅細胞開始代謝，呢個時候最緊要係修護皮膚屏障，避免用含有酒精等刺激性成分嘅產品。- 曬後4日以上：可以開始用啲美白提亮嘅產品嚟修護同變白，但係要繼續補水保濕，同埋避免用太刺激嘅美白成分。  🚫曬後千祈唔好做... - 直接冰敷：物理降溫嗰陣，要避免冰塊直接接觸皮膚，唔好凍傷。- 即刻美白：首先要補水同修護屏障，等皮膚狀態恢復咗先至好美白。- 去角質：曬後皮膚好脆弱，去角質產品可能會加重皮膚受損。  曬後護膚：🥇金牌好物推薦 降溫：DERMALOGICA 特效抗敏舒緩噴霧 專為敏感同泛紅皮膚設計，質地輕盈又清爽，噴一噴即刻吸收，有助鎖住皮膚水分，同時支撐皮膚天然嘅保濕屏障。入面有獨特嘅特效抗敏複合配方，包括燕麥同植物成分，再加上蘆薈，有效舒緩同鎮靜皮膚，保持水分平衡。 補水：SU:M37° 深海補濕面膜3部曲 想快速為曬後皮膚補水同舒緩？SU:M37° 嘅深海補濕面膜3部曲就係你嘅好幫手。每塊包含深海補濕鎮靜安瓶精華、深海補濕面膜及深海補濕鎮靜啫喱面霜，一次過畀足皮膚全面嘅補濕呵護。每塊面膜都係純素認證嘅竹子面膜，含有大量精華液，完美貼合面部輪廓，令保濕成分深入肌膚。 修護：SISLEY PARIS 升級版全能乳液SISLEY PARIS 嘅升級版全能乳液，係一款真正嘅肌膚守護神。保留咗經典嘅五大植物萃取成分，仲加入咗牛蒡同繡線菊萃取，配方嘅pH值同肌膚相近，可以有效促進肌膚微生態平衡，強化天然免疫力。用咗佢之後，皮膚變得更強韌，防護屏障都鞏固同提升咗，仲有煥活同抗氧化功效，令皮膚重拾亮麗光澤。 美白：CLARINS 透亮光感極緻亮白精華想曬後皮膚恢復白皙透亮？呢枝精華用咗「升級植萃注養」科技，有效改善黑色素分佈，令膚色更加勻淨。入面有紫茶萃取、三種強效植物萃取物同埋維他命B3，可以抑制同阻止黑色素形成，改善暗啞同色斑。質地係精華液，搽上去之後會變成輕盈嘅水狀，啱晒任何膚質，連最脆弱嘅肌膚都用得。曬後用佢，輕鬆打造自帶光圈嘅透亮肌！ 睇完今次呢篇，以後就唔使再驚曬傷同曬黑啦！不過記住，預防始終緊要過補救，上一篇嘅防曬知識大家都要睇實啲，學識點樣抵擋陽光嘅侵襲呀！LANGHAM BEAUTY網店會繼續帶嚟更多變靚嘅資訊同優惠，記住留意我哋嘅Beauty Blog，唔好錯過啦！

閱讀內文
2025-06-04
【有效防曬】抵禦陽光嘅秘訣

 夏天已經嚟到，太陽伯伯愈嚟愈猛，係時候要開始更加注重防曬去保護我哋嘅皮膚，以免受紫外線傷害。但係市面上咁多款防曬產品，究竟應該點揀同點用先至啱呢？其實防曬產品係點樣對抗陽光呢？等我哋一齊嚟深入了解下喇。 紫外線：其實是什麽？ 太陽光入面嘅輻射包括咗紫外線。紫外線可以分為紫外線A（UVA）、紫外線B（UVB）同紫外線C（UVC）。好彩地球嘅臭氧層有阻隔作用，所有UVC同大部分UVB都畀臭氧層擋住咗，所以落到地面嘅主要係UVA同UVB。 - UVA：波長長啲，穿透力強，可以穿過雲層同玻璃，主要會導致皮膚曬黑，激發皮膚黑色素形成，加速皮膚老化。- UVB：波長短過UVA，一般唔能夠穿過玻璃，主要會導致皮膚曬傷，可能會曬到紅、腫、痛，甚至起水泡或者甩皮。 紫外線唔止會令到皮膚變黑、生色斑、加速皺紋形成，佢仲會傷到皮膚細胞入面嘅DNA，甚至增加患癌風險。 防曬力度：要學識睇SPF同PA啦！ 防曬產品主要係用嚟對抗紫外線嘅傷害，我哋通常會睇PA同SPF呢兩個標準去了解防曬力度，佢哋分別代表阻隔UVA同UVB嘅能力。 - SPF（Sun Protection Factor）：主要係講阻隔UVB嘅效果，使皮膚盡量更長時間才會被曬傷。如果一個人本身喺太陽底下10分鐘就會被曬傷，用咗SPF30嘅防曬產品之後，理論上可以延緩到300分鐘（10 x 30）。但係要留意，SPF值同延緩曬傷時間唔係直線關係，一般嚟講，SPF50同SPF50+已經代表咗極高度防曬。 - PA（Protection Grade of UVA）：主要係講對抗UVA嘅效果，使皮膚盡量更長時間才會被曬黑。每個“+”號代表延長曬黑時間2-4倍，一般分為PA+（延長2-4倍）、PA++（延長4-8倍）、PA+++（延長8-16倍）、PA++++（延長16倍以上）。 成分：防曬產品大分類！ 簡單嚟講，市面上嘅防曬產品根據佢哋嘅防曬原理，可以分為兩大類： 1. 物理性防曬：常見成分包括二氧化鈦（Titanium dioxide）同氧化鋅（Zinc oxide）。呢啲成分透過反射、折射或者散射紫外線嚟保護皮膚。產品性質温和，容易清洗，少啲機會引起皮膚敏感。但係因為佢哋本身含有防曬顆粒，所以質地會偏白同埋通常比較厚重。 2. 化學性防曬：添加咗阿伏苯宗（Avobenzone）、二苯甲酮（Oxybenzone）、水楊酸鹽（Salicylates）等成分。呢啲化學分子結構可以吸收紫外線，再轉化做熱能釋放出嚟。產品質地通常清爽，但係化學成分可能被皮膚吸收同埋引起皮膚敏感同刺激。同時，一啲化學性防曬成分仲會干擾環境，對海洋生物同珊瑚造成危害。 用法：用得好先至防到曬 1. 基本使用：喺護膚步驟完咗、化妝步驟開始之前用。面部大約需要搽1個1元硬幣嘅分量，(等成膜）最好喺出門前20至30分鐘搽，等佢發揮最好嘅效果。 2. 定時補搽：喺户外活動嗰陣，每2至3個鐘頭就要補搽一次，游水或者出汗多嗰陣更加要勤啲補。如果有化妝，可以選擇防曬噴霧、或有防曬系數的氣墊和碎粉來補防曬。 3. 堅持防曬：喺紫外線強嘅室外環境，記得要配合長袖衫、遮、帽子等防曬用品，就算喺陰天或者室內，都要注意抵擋紫外線。 4. 認真清潔：用完防曬產品之後，記得要用潔面產品嚟清潔。如果用嗰啲有潤色或者防水功能嘅防曬，就要用卸妝產品嚟清潔，咁樣先可以避免皮膚負擔太重或者毛孔阻塞。 產品：大熱防曬霜推薦！ 物理型：ALBION 全物理性溫和輕透防曬乳 40g HK$290呢款ALBION全物理性防曬乳SPF50+ PA++++嘅高防曬係數，可以全面保護皮膚唔畀紫外線傷到。無化學成分嘅配方（冇紫外線吸收劑），啱敏感肌用，用落去温和又安心。仲有防水功能，可以加強皮膚屏障，令皮膚免受過敏原同其他外在環境侵害。 化學型：LANCÔME 全方位防禦抗曬清爽乳霜SPF 50 / PA ++++ 30ml HK$505 LANCÔME呢款防曬乳霜，輕盈又清爽，佢唔止有SPF50 / PA ++++嘅高防曬係數，仲可以抵擋紫外線、污染同氧化壓力。用咗空氣感防護膜科技，塗上去薄薄一層，自然又唔厚重。入面加咗維他命E同高山雪絨花萃取，幫助抗氧同修護皮膚屏障，再加上法國薔薇花萃取，舒緩皮膚。全面保護之餘，仲可以令皮膚保持水潤同健康。 混合型（物理+化學）：SOFINA 亮肌抗斑護膚防曬乳霜 SPF50+ PA++++ 30g HK$220SOFINA呢款防曬乳霜，係專門為容易出斑嘅皮膚而設。佢加入咗亮肌同抗炎成分，一邊強力阻隔UVA同UVB，一邊從根本抑制黑色素生成，防止色斑同雀斑形成。用咗之後，仲可以預防曬後皮膚紅、熱同粗糙。配合日間抗氧同保濕成分，高效保濕，抵擋氧化傷害。加上柔焦珠光技術，自然咁提亮同修飾毛孔，令皮膚睇落去滋潤又有透明感。 混合型（物理+化學）：SkinCeuticals 雙效淡斑防曬霜 SPF 50 40ml HK$430SkinCeuticals呢款雙效淡斑防曬霜，用咗超輕盈、無殘留嘅配方，提供全面嘅UVA同UVB保護，有效擋住紫外線對皮膚嘅傷害。佢入面有1%傳明酸、2%維他命B3同0.26%雲母呢啲高效成分，可以明顯減淡色斑同色素沉澱，令膚色變得均勻又明亮，同時保持輕盈嘅質感。 總言之，揀同用防曬產品係保護皮膚嘅重要一步。明白唔同類型嘅紫外線同防曬產品，識得睇SPF同PA值，同埋正確咁用防曬產品，就可以開心同安心咁享受夏日陽光啦！已經曬黑曬傷，點算好？記住緊貼我地Beauty Blog下集嘅曬後護理喇，更多優惠資訊帶給大家，想知更多護膚知識同大熱產品，記得緊貼LANGHAM BEAUTY網店啦~

閱讀內文
2025-05-23
【底妝分類攻略】打造完美妝感！揀啱產品好重要

   揀啱嘅底妝產品係靚妝嘅基礎，唔止可以遮到皮膚啲瑕玼，仲可以提升面色，為之後嘅彩妝步驟做好準備。今集就同大家一齊認識下底妝家族嘅成員啦！  🌟妝前打底類▎妝前乳 (Primer)主要成分：通常有保濕成分（如甘油、透明質酸）、矽類成分，有啲產品仲加咗控油同修飾嘅成分，可以幫手令皮膚滑啲、控油保濕、令之後嘅妝容更加持久。適用場景：妝前乳係護膚之後、底妝之前嗰個步驟，乾性皮膚可以揀保濕型，油性皮膚揀控油型。編輯部嚴選：HOURGLASS Veil Mineral Primer妝前乳美國加州彩妝品牌Hourglass，主張純素及零殘忍美容，品牌推出嘅呢款妝前乳，真係功能多多，不單止可以遮蓋發紅、隱藏毛孔，仲可以柔化細紋同皺紋，同時保護你嘅皮膚免受陽光傷害。質地滑捋捋又輕盈，幫你打造完美肌底，為無瑕妝容做好準備。 ▎隔離霜 (Makeup Base)核心成分：通常有保濕劑同矽類成分，可能添加防曬成分（物理或者化學防曬劑）、色素、抗氧化劑（如維他命C同E），一齊幫手抵抗環境傷害。主要功能：隔離霜可以形成一層屏障，防止污染同紫外線傷害皮膚，同時提升粉底等化妝品嘅附著力，有啲有色隔離霜仲可以修正膚色同遮瑕，有啲仲有防曬效果。編輯部嚴選：RMK 原生光感隔離霜日系品牌RMK嘅隔離霜，可以大幅提升你嘅素肌質素，令皮膚持久水潤，提升粉底嘅貼服度同效果。利用光線修飾膚色暗沉同色斑，仲有SPF22 PA++防曬效果，加埋兩種易於融入皮膚同粉底嘅油成分，幫你實現高級感嘅原生光感底妝。 🌟基礎粉底類▎粉底液 (Liquid Foundation)粉底液係液體嘅底妝產品，質地薄，啱日常用。佢可以均勻膚色，遮瑕，同埋提供好強嘅遮瑕效果。粉底液配方多樣，可按自己嘅膚色揀啱唔同色號，亦可以根據自己需要揀控油型、保濕型、持久型嘅粉底液，適合各類型膚質。編輯部嚴選：LANCÔME 持妝輕透粉底液LANCÔME呢款粉底液可以畀你24小時嘅持久妝效，打造出零負擔感嘅啞緻妝容。佢有平衡控油同光澤嘅持妝配方，仲有專利持妝透氣網膜技術，可以立體鎖妝。敏感肌都用得，因為佢首次復配81%嘅護膚基底配方，入面有辣木籽油、透明質酸同維他命E等成分，仲加咗可以揮發嘅輕質油，令粉體更加均勻貼服。 ▎粉底霜 (Cream Foundation)粉底霜就比粉底液杰身啲，通常有更多滋潤成分，啱乾性或者成熟皮膚用。佢嘅遮瑕效果強啲，可以有效遮到明顯嘅瑕玼同唔勻勻嘅膚色，最啱需要長時間上妝嘅場合，如正式活動或者晚宴。編輯部嚴選：KANEBO原生活力精華粉底霜日本品牌KANEBO呢款粉底霜用咗全新嘅活力美肌技術，可以修飾皮膚同時保留原生皮膚嘅光澤、紋理同色彩，重現素肌質感。入面有保濕成分「保濕精華複合物」，可以舒服咁喺皮膚上延展，成日保持皮膚水潤。佢零厚重感，軟熟嘅啫喱狀塗膜能有效防止溶妝，令皮膚長時間保持光澤。  ▎氣墊粉底 (Cushion Compact)氣墊粉底係一種方便帶嘅底妝產品，通常包裝喺氣墊盒入面，隨時可以補妝。佢質地薄，可以造出自然嘅妝效，啱日常或者休閒場合。氣墊粉底一般都有保濕成分，令妝容睇落水潤。揀氣墊粉底嗰陣，可以考慮佢嘅防曬效果同持妝時間，去滿足日常需要。編輯部嚴選：ESTĒE LAUDER 持久輕透柔霧氣墊粉底呢款ESTĒE LAUDER嘅氣墊粉底，通過雙重護理，造出空氣感柔霧妝效。一抹就可以修護皮膚，同時遮瑕同遮毛孔，鎖住皮膚水分，令粉底持久貼服。同時利用光學粒子反射同散射光線，呈現立體細膩膚質。佢嘅薄身輕盈液態粉末配方，接觸皮膚後會變粉狀定型，有效遮蓋同淡化毛孔同瑕玼，令妝感好似第二層皮膚咁貼服自然。 ▎粉餅 (Pressed Powder)粉餅就係一種壓縮粉末，主要用嚟定妝或者輕微修飾。佢可以吸收皮膚多餘嘅油粉，保持妝容清爽，最啱快速補妝使用。粉餅嘅遮瑕效果通常比較輕，最啱只需要輕度遮瑕嘅日常妝容。揀粉餅嗰陣，可以根據自己膚色同妝效需要去選擇透明型或者有色粉餅。編輯部嚴選：Charlotte Tilbury 輕盈無瑕蜜粉呢款Charlotte Tilbury嘅蜜粉，粉質輕盈，妝感幼滑，輕輕一掃就可以即刻柔化皮膚瑕玼，撫平細紋，好似幫皮膚加咗層無瑕濾鏡咁。佢嘅細滑粉質可以令你嘅妝容更加持久同完美，係你打造無瑕妝容嘅最佳選擇。  🤩靚妝大揭秘：你問我答Q&AQ1：妝前乳同隔離霜有乜分別？A：妝前乳主要係改善妝感同令皮膚滑啲，通常有更多矽同保濕成分；隔離霜就主要係防曬同保護皮膚，有更多防曬成分同色彩校正功能。 Q2：妝前乳同隔離霜係咪一定要一齊用？A：唔一定，睇你嘅妝容需要同皮膚狀態。如果你想之後嘅底妝貼啲同持久啲，可以淨係用妝前乳；如果你想保護皮膚，可以淨係用隔離霜。如果兩樣一齊用，記住要控制用量，唔好太厚，唔係會影響之後上妝。 Q3：今期產品用嘅次序應該係點喔👉👈？A：視乎你用嘅妝前乳種類。如果你用嘅係保濕型或者透明嘅妝前乳，用嘅次序就會係: (保濕/透明)妝前乳-->防曬-->隔離霜-->粉底，然後先至做其他化妝步驟。如果係有色嘅妝前乳，就要喺防曬之後用, 用嘅次序就會係: 防曬-->有色妝前乳-->隔離霜-->粉底，然後先至做其他化妝步驟。 Q4：用咗有防曬成分嘅隔離／粉底，仲使唔使額外用防曬產品？A：妝前同底妝產品有啲防曬成分，可以應付日常同室內環境。但係如果你要去户外活動或者要面對強光環境，記得要用多啲專業防曬產品同埋要及時補塗。 Q5: 粉餅可唔可以單獨做底妝用？A：粉餅分為底妝粉餅同定妝粉餅。底妝粉餅可以單獨用嚟做底妝，而定妝粉餅（蜜粉餅）通常用嚟定妝。用完底妝粉餅之後，如果你想個妝持久啲，可以用定妝噴霧嚟定妝。 睇完呢篇，相信你已經識得點揀底妝產品啦，想令無瑕底妝更加持久？不如重温下定妝篇，令到妝容靚靚又持久！大家有咩美妝問題疑難，或者有話題想知多D，歡迎whatsapp inbox話我地知，等大家一齊分享下，LANGHAM BEAUTY網店爲你搜羅城中熱賣新品同各款精選優惠， 記住緊貼各項網店資訊優惠啦，同大家一齊look good, feel great!  

閱讀內文
2025-05-14
【香水第一課】濃度、香調...新手入門呢篇就夠

 香水係扮靚時不可或缺嘅元素，選擇香水唔單止係選擇一種氣味，更係選擇一種個人風格同情感表達。仲未詳細了解香水呢個品類？今次就同大家介紹香水濃度和香調嘅知識，輕鬆入門啦！ 👀都係香水，原來仲有細分？首先，我哋要了解香水嘅濃度。當你拎起一支香水，見到EDP、EDT等等英文縮寫，其實就係代表香水嘅濃度分級：香精（Parfum）：呢個係最高濃度嘅香水，香料含量大約喺20-30%。香味持久，可以維持成日，留香6小時以上，啱喺隆重場合使用。淡香精（Eau de Parfum, EdP）：香料含量喺10-20%，相對於香精濃度更低，但仍然持久，一般可以維持4-6小時，適合日常使用。淡香水（Eau de Toilette, EdT）：香料含量喺5-10%。香味輕盈，持香時間較短，留香3-4小時，啱夏天或者返工用。古龍水（Eau de Cologne, EdC）：香料含量最低，大約喺3-5%，香味清新，可以持續2-3小時，通常用於身體噴霧，隨時都可以補香。 📖係咩成日聽到香水嘅前中後調？其實係講緊香水隨住時間推移而呈現出嘅不同氣味特徵，調香師會根據香料性質和擴散嘅速率，配搭出富有層次嘅香水：前調：指香水噴出後首先被嗅到嘅氣味，也代表住香水嘅第一印象，通常使用爆發性強、易揮發嘅材料，但香味嘅持續時間較短，通常5分鐘內較為顯著。中調：代表香水嘅核心調，中調大約出現在噴灑後嘅15-20分鐘，留香時間可達1-2小時，一般表現香水嘅靈感和主題，運用中等揮發性嘅材料。後調：係香水餘韻嘅組成，氣味來自於揮發較緩慢嘅成分，並且有較好嘅附著力，香味可持續數小時至一天。 了解咗香水嘅濃度，可以幫你揀到最符合需求嘅產品，而了解香水嘅香調，則可以更容易找到適合自己風格嘅香氣~🪴香水嘅香調主要分為四大類：1. 花香調：以各種花卉做基調，氣味柔和浪漫，常見成分包括玫瑰、茉莉同紫羅蘭等。呢類香水通常畀人清新、優雅嘅感覺。星級推介：VALENTINO BEAUTY Born in Roma Yellow Dream Donna來自VALENTINO Beauty嘅一款高級訂製花香香水，以千片玫瑰花瓣及牡丹花成分調配而成。前調運用意大利檸檬，帶來令人垂涎嘅清新柑橘氣息，中調土耳其玫瑰精華綻放明亮多姿嘅柔美氣息，基調采用當代嘅純淨香調與誘人嘅白麝香氣息互相交織，打造清新迷人嘅嶄新女士香水。2. 東方調：運用香料同樹脂等成分，如香草、琥珀同檀香，呢啲香水通常有誘惑力，氣息濃烈、神秘而成熟。星級推介：TOM FORD BEAUTY 私人調配OUD WOOD香氛“縱情於克制的邊界”，極富異國情調嘅玫瑰木與小豆蔻提升了罕見烏木、檀香木與香根草嘅煙熏調。黑香豆及琥珀則為TOM FORD這款珍華烏木香水添加一抹暖意與魅惑。 3. 清新調：包括柑橘調、水生調、綠葉調等清新香味。柑橘調常見成分有檸檬、橙子、佛手柑，水生調模擬海洋嘅氣味，綠葉調則表現青草嘅香氣。呢類香水帶來自然、清爽嘅感覺，好似置身於大自然一樣。星級推介：ISSEY MIYAKE Parfums L'Eau d'Issey 淡香氛日本設計大師ISSEY MIYAKE三宅一生品牌，水生調清新怡人，引出鮮花和春日森林嘅馨香，雋永優雅。前調蓮花玫瑰香調細膩馥鬱，烘托出水生香調嘅清新感，中調滿是牡丹與白百合嘅柔和香氣，而後調采用琥珀、檀香、麝香、雪松和異國木材，延續芬芳餘韻。  4. 木質調：以各種木材為基調，常見成分包括檀香、雪松同柏樹。呢類香水氣味沉穩自然，通常畀人成熟、內斂嘅感覺。星級推介：MCM ONYX EDPMCM首款男士香水，成就前衞、富未來主義嘅木質馥奇香調。以手採奈及利亞生薑及香料為這款香水定下溫和細膩而樸實嘅調性。中調彌漫法國薰衣草香，巧妙融合清新韻味與甜蜜花香。後調充滿木質及海地香根草的清爽氛圍，展露時下男性風采典範：熱情而溫暖，同時帶著一絲溫柔情意。 更多香水，歡迎大家探索LANGHAM BEAUTY網店香水專區，或親臨綫下門店試香選購啦！  

閱讀內文
2025-04-08
【抗皺思路分享】正視皺紋成因，亮麗無懼歲月

 無論係想要抗初老，定係持續抗衰老，抗皺都係一個令人關注嘅話題。想要瞭解同預防皺紋？今日同大家分享下皮膚嘅「皺紋生成說明書」，並推介針對性嘅私藏抗皺神器～ 點解會形成皺紋？皺紋係大家自然變老嘅其中一部分，皮膚就好似一張彈弓床，年輕時充滿膠原蛋白同彈力纖維，點瞓都唔會凹。但隨住年齡增長，皮膚入面嘅膠原蛋白同彈性纖維會逐漸減少，令到皮膚失去彈性同水分，從而形成皺紋。皺紋又分「動態紋」同「靜態紋」，前者係表情造成，後者則係無表情時已經出現嘅真皮層崩塌。 除此之外，以下幾個因素都會加速皺紋嘅形成： 1. 紫外線照射：長時間暴曬於太陽下，紫外線會破壞皮膚嘅膠原蛋白，加速老化。2. 環境污染：空氣中嘅污染物會產生自由基，損害皮膚細胞。3.生活習慣：成日捱夜、食多油炸嘢同甜品（多餘糖分黐住膠原蛋白）、長時間坐冷氣房（角質層唔夠水分）等，都會令皮膚提早出現皺紋。4. 表情動作：成日做大表情，好似皺眉、大笑等，都會令嗰啲部位容易有細紋。 抗皺三原則 1. 全面防曬就算係陰天或者喺室內，紫外線都有可能穿透過嚟，要記得擦同定時補曬產品，用足夠分量, 先起到防曬效果。2. 揀飲擇食多食水果同蔬菜，入面有抗氧化劑，可以對抗自由基。想進一步瞭解抗糖抗氧化知識啦？不妨按此參考下我哋之前嘅blog啦。3. 表情管理試下減少啲大表情，唔好成日皺眉頭或者眯眼，盡量減少表情紋產生。 想撫平動態紋，改善靜態紋？尋求醫美療程前，不妨瞭解下這些抗皺產品是否啱用啦~HELENA RUBINSTEIN REPLASTY抗皺緊緻精華「小針管精華」來自百年奢華保養品牌HR赫蓮娜，首次加入5重 H.A. Complex 透明質酸複合物，能滲透每層肌膚，使肌膚重拾水潤飽滿，活性抗衰老成分高效勝肽，激活膠原蛋白增生，重組膠原，專利抗衰老成分玻色因，改善肌底凹陷，打造家用醫美級護膚體驗。 SKINCEUTICALS 胜肽抗皺精華胜肽抗皺精華研發新一代胜肽配方，蘊含複合胜肽 (類蛇毒肽+乙醯基六肽-8)及葡萄糖酸內酯 (PHA)，模仿肉毒桿菌醫美針劑療程的作用機制，高效對抗面部表情紋^，達致媲美BOTOX的抗皺效果。同時促進膠原蛋白增生，改善膚質及光澤感，見證肌膚回復飽滿緊緻。 POLA WRINKLE SHOT 祛皺精華霜升級版獨有NEI-L1® 活性抗皺成份，是受業界認可、能有效阻截皺紋嘅醫藥部外品抗皺成份；重點激活膠原蛋白及修補肌膚損傷，即時撫平肌膚紋理，同時加強滲透力，將重點精華準確輸送至真皮層，速效改善細紋及凹陷皺紋，加快肌膚立體再生，重塑3D緊緻輪廓。 SOFINA 抗皺碳酸慕絲精華採用SOFINA iP獨有「100%碳酸 × 有效成分煙醯胺」，將抗皺修護成分濃縮至比毛孔更小，高效並大量地深入皺紋的凹凸部位，激活肌膚膠原蛋白、彈力蛋白線維及透明質酸產生，全面改善臉部、頸部等大範圍位置的皺紋煩惱，同時還能抑制黑色素的形成，預防及改善色斑。 皺紋唔係敵人，識得解讀同適當保養皮膚，優雅面對歲月痕跡~

閱讀內文
2025-04-02
【選對定妝產品】妝容持久亮麗嘅秘密

想要打造春夏不焗束、透明感底妝，單係識化個靚妝就未夠，一定要識點樣定妝先得。今次我哋就嚟詳細講下「定妝」呢個關鍵步驟，同埋點樣揀選啱用嘅產品啦。 定妝有幾重要？ 定妝唔單止係化妝嘅最後一步，仲擔當住三大重要使命：1. 鎖住粉底：唔做定妝嘅話，粉底經過一段時間就會變得暗沉，令到塊面泛黃變暗！定妝可以防止粉底液氧化，令到皮膚持續透亮。2. 控制油光：T字區呢啲易出油嘅位，定妝可以幫你控制出油，又可以保持面部嘅自然光澤。3.   美肌效果：定妝可以進一步修飾皮膚瑕疵，遮蓋毛孔同細紋，好似開咗柔光濾鏡咁。 定妝產品點揀好？ 定妝產品主要有三類，適合唔同類型嘅皮膚同需要： 1.蜜粉/碎粉：粉狀，推薦用散粉刷取粉，妝效自然輕薄，啱乾性皮膚同鍾意淡妝嘅朋友。星級推介：MAC 專業無瑕輕透濾鏡蜜粉極致柔霧蜜粉，為妝容整天定妝並即時吸收多餘油份，營立體啞光妝效。雙光彎曲技術使用高折射率粉末，令光線在臉上折射，並融合卵磷脂粉末將光線反射到皮膚上，營造 3D 濾鏡效果。 2.蜜粉餅：餅狀，可用粉撲取粉，方便帶出街，控油效果好，妝感相對明顯啲，最啱油性同混合性皮膚。星級推介：Albion 極緻定妝蜜粉餅 「E大餅」純手工訂製嘅頂級細緻蜜粉，5種淡色調粉體，打造自然輕透感與明亮感嘅通透膚色，自然遮蓋毛孔，令肌膚表面更柔滑，出色防水防油配方，讓妝容嘅通透感及光滑感長效持續一整天。 3.定妝噴霧：可以保濕同埋延長妝效，會在底妝表面形成薄薄嘅防護膜，但等待成膜時間長啲，控油效果一般，更啱舞台妝同乾性皮膚。星級推介：JungSaemMool beauty 微粒精華定妝噴霧蘊含豐富礦物嘅定妝噴霧，含松蘿鳳梨萃取物、發酵珍珠精華、及洋甘菊萃取物，具有雙重保濕效果，幫助原位固定妝容，長久不脫妝。 不可不知：Albion 極緻定妝蜜粉餅 「E大餅」 講到蜜粉餅，不可不提日本頂級品牌Albion嘅Elégance極緻定妝蜜粉餅，呢款紅足30年嘅「E大餅」，但面對足足7款唔同色號，你又識唔識點選呢？即睇以下教學啦！  點揀啱嘅色號？ 1. 睇肌底色：   - 皮膚偏白：IV號（珠光最白色） VI號（偏粉白）   - 皮膚偏黃：II號（偏橘粉） III號（偏柔黃）  V號（健康膚色）   - 盲選不出錯：I號 (熱門大衆色） Ⅷ號 (透明升級） 2. 睇皮膚狀態：   - 混油 / 油性皮膚：I號 / II號 / III號    - 混乾 / 乾性皮膚：IV號 / V號 / VI號 / Ⅷ號 3. 睇特殊需求：   - 光澤妝效：IV號（提升氣色） V號（淡金色光澤）   - 啞光妝效：I號 / II號 / III號 / VI號 / Ⅷ號   - 提亮暗沉：II號（清透自然） VI號（粉嫩水潤） Ⅷ號（透明肌） 7種色號，一定有款適合你，配合埋27g家庭裝或8.8g便攜裝，咁就幾時都可以keep 住個靚妝啦！

閱讀內文
2025-03-25
【轉季皮膚敏感】春天到🌷！拆解換季敏感應對指南

氣溫起伏、回南天...轉季又嚟！皮膚都好似有啲“換季煩惱”，今日同大家拆解「春季敏感」嘅元兇同急救大法啦～ 🌦️ 點解春天易敏感？ 春暖花開，萬物復蘇，花粉、霉菌等增多，空氣中嘅致敏原增多，容易引發皮膚過敏，同時紫外綫强度大幅上升，亦會對皮膚脆弱嘅角質層造成刺激。仲有，春天氣温同濕度成日變，忽冷忽熱，起伏不定，皮膚最外層嘅「磚牆結構」（角質層+脂質）遇熱膨脹，遇冷收縮，熱脹冷縮之下容易出現裂縫，導致水分快速流失，而致敏原趁虛而入。簡單來講：皮膚「保護牆」受損👉🏻水分極速流失👉🏻外敵（細菌/致敏原）入侵👉🏻泛紅/痕癢/脫皮危機！ 🧬 急救4招 教塊面學識「穩定」 1.温和清潔：轉用啲温和嘅潔面產品，唔好用熱水洗面，避免洗走皮膚太多自然油脂。2.精簡護膚: 轉季不適應，簡化護膚步驟就最醒啦！唔好心急亂咁去角質，或者叠加強力產品（如酸性成分產品）。記得試新產品之前，先搽耳背測試是否過敏呀。3.保濕鎖水：同冬天用開嘅滋潤產品講拜拜，避免令到成塊面出晒油，仲搞到成面痘痘。記得揀啲清爽保濕嘅產品，幫助皮膚鎖住水分。4.全面防曬：以為天陰陰唔使防曬？其實紫外綫無處不在！記住春天紫外線開始變強，出街記得搽防曬啦。 🌼 轉季救星大公開！ 泛紅恩物：JURLIQUE 金盞花舒緩修護滋潤油蘊含來自南澳農場嘅金盞花、麥盧卡葉等天然植物，100%天然成分配方，質地輕盈易吸收，能夠有效舒緩敏感泛紅，溫和滋潤肌膚，改善敏感膚質。可以直接均匀塗抹使用，亦可與精華或面霜混合后一起使用。  長效保濕：LANCÔME 全新溫和保濕水 “粉水”蘭蔻明星“粉水”，采用獨特百葉薔薇花水，配合高純度(99%)透明質酸鈉和角鯊烷，能夠長效保濕，舒緩褪紅。蘊含97%天然來源成分，無添加硅、酒精、礦油等，保濕升級嘅同時幫助强韌表皮屏障。  溫和净化：SISLEY PARIS 花香潤膚水來自法國家族企業SISLEY希思黎，蘊含玫瑰、矢車菊及金縷梅精華，有效軟化角質，調節及紓緩肌膚，讓皮膚易於吸收其後使用嘅護膚品。配方不含酒精、色素，可清除肌膚及妝後殘留嘅污垢，淨化肌膚。  水潤修護：THE WHOO 拱辰享 水凝舒養水乳韓國后品牌拱辰享·水系列，加入全新Vital-Lotus™成分，蓮花萃取結合活性成分，有效維持肌膚保濕屏障，補水抗氧嘅同時鎮靜肌膚，舒緩肌膚不適，以專利技術Moisture-Linking Technology強化水分屏障，提升肌膚保濕持久力。  🌸 一齊溫柔過春天，等肌膚同花花一樣靚啦～ 💕  

閱讀內文
2025-03-19
【醫美必看養膚攻略】事半功倍嘅恢復期護膚秘訣

而家醫學美容療程好普遍，好多人都會揀呢啲方法嚟改善肌膚問題。咁大家又知唔知道，做完醫美療程之後點樣護膚先啱？點樣護理先發揮到滿意嘅效果？一次過掌握醫美後嘅護膚知識啦！ 🌡️醫美後，點解更需要養膚？ 做完醫美療程之後，肌膚會變得特別脆弱，並可能出現以下三大反應： 1️⃣ 面部泛紅：高能量型儀器直達表皮層，導致微血管擴張，產生泛紅反應。2️⃣ 乾燥甩皮：角質層結構蛋白受損，導致天然保濕因子流失，水分流失加快。3️⃣ 色素沉澱：紫外線暴露，酪氨酸酶即刻活躍，出現色素沉澱、反黑等情況。呢個時候，適當嘅護膚就變得超級重要，唔止可以減低不適，令你嘅肌膚快啲好返，仲可以幫助發揮醫美項目嘅煥膚效果！ 🚑醫美後護膚3大階段 階段一：療程後0-72小時護理重點：鎮靜降溫＋無菌修復可選用一啲含有舒緩成分嘅產品，必要時進行冷敷，幫手減輕紅腫同唔舒服，避免使用含酒精/含香料產品，並應當避免摩擦皮膚，短時間内唔好化妝，等肌膚有足夠時間恢復。 階段二：療程後3-14天護理重點：重建屏障＋預防感染由於療程後嘅肌膚需要大量水分，可選用高效補水保濕產品，逐步恢復使用溫和不刺激的潔面產品，并注意物理防曬，避免使用酸類/視黃醇(Retinol)類產品。如果皮膚有脱皮或者結疤，唔好用手去整佢，等佢自然脱落啦。 階段三：療程後15天+護理重點：提亮防黑＋微生態平衡持續補水防曬，避免高濃度果酸煥膚，暫停用磨砂，逐步選用啲可以提亮膚色同平衡微生態嘅產品，幫助肌膚恢復到最佳狀態。 💎 舒緩修護產品推介 🌟 舒緩救星：SKINCEUTICALS 舒緩修護精華來自醫學美容護膚品牌SKINCEUTICALS嘅修護精華，蘊含具紓緩作用嘅百里香及青瓜精華，發揮消炎、抗菌及刺激微循環嘅功效，添加獨特植物配方植物糖苷，溫和減淡色斑，有助皮膚在進行再生療程前作好準備，並可減褪療程後嘅泛紅現象。 🌟修護皇牌：LA MER 極緻修護精華高濃縮 Miracle Broth™ 活膚精華能穩定肌膚，同時淡褪顯著刺激跡象，令肌膚更見強韌，顯著舒緩及更生。於專業換膚療程前3星期使用，能於療程後數小時內幫助肌膚屏障嘅防禦力開始回復，而於激光療程后使用，3天即顯著修復受損肌膚屏障。 🌟 急救神器：DERMALOGICA 強效多種維他命再生面膜富含強效維他命 A、C、E 及亞油酸 (Linoleic Acid)，能修復皮膚損傷及老化跡象，抗氧化並增強皮膚屏障；添加藻類萃取物，有助滋潤和軟化皮膚，添加甘草、紫草及牛蒡植物萃取物，可舒緩和鎮靜肌膚同時增加皮膚彈性。 🌟 煥亮必備：SK-II 光蘊臻采煥亮精華新升級專研光蘊配方，顯著提升膚色膚質，修護及激活肌膚光蛋白，全方位抑黑減黃，改善泛紅，成分包含Pitera™，SK-II獨有抗氧成分，紅沒藥醇PRO，舒緩肌膚並幫助改善粗糙膚質，菸鹼醯胺+蓮花精粹配方，有效美白和幫助膠原蛋白合成。 🌸 變靚唔係單靠醫美療程, 舒緩修護功課做好，先可以keep住塊面靚到發光啦！立即入手修復組合，令你嘅肌膚更快恢復，達到事半功倍嘅效果啦～

閱讀內文
2025-03-12
【聚焦微生態】好皮膚都需要嘅「生態平衡」🌿

 ▸戴口罩超過2小時即泛紅...?▸生理期前必爆暗瘡...?▸換季時甩皮...?▸痘痘粉刺反反復復...? 如果以上症狀中招不止一項，就需要留意啦，呢啲可能係你皮膚微生態失衡嘅警號！如果你仲未知皮膚亦有生態平衡，就即刻睇落去啦！ 🧪 皮膚微生態係咩嚟？ 你知道每平方釐米嘅皮膚上住著超過百萬個微生物嗎？呢啲微生物，包括有益菌、中性菌同埋有害菌等，相互協同及抗衡，一齊形成咗我哋嘅皮膚微生物組（Skin Microbiome）。正常情況下，皮膚呈弱酸性，由各種微生物維持住皮膚嘅穩定同埋新陳代謝。同時，皮膚微生物參與對抗外界致病菌，是免疫系統嘅重要部分。 🩺 微生態失衡會點？ 微生物生長受到外界環境變化、基因、皮膚狀態等多種因素影響，溫度濕度驟變、過度清潔、不當護膚等情況都會導致微生態「大地震」。如果微生態被破壞，會導致皮膚酸鹼性失調，有害菌大量繁殖，從而引發各種皮膚問題，好似粉刺、皮炎、刺痛等等。 🤔 點樣調節微生態？ 調節微生態係一個循序漸進嘅過程，要改善可以從以下3種方向入手：▸益生菌：即係對皮膚有積極作用嘅活性微生物，直接補充有益菌，抑制有害菌生長，但需要保證有合適佢地生存嘅環境（皮膚狀態）先有效▸益生元：即係益生菌嘅必要營養物質，可以促進原有嘅益生菌成長，幫助平衡微生態▸後生元：即係益生菌嘅代謝物、死亡後嘅細胞及組分，可以幫助抗炎、抑菌、免疫調節等 同時，千祈唔好觸犯微生態護膚3大禁忌🚨：▸ 唔可以同含酒精嘅產品一起用，會同時殺滅有益菌 ▸ 避免同時用熱毛巾敷面，40°C以上會消滅有益菌 ▸ 唔好頻繁磨砂/去角質，否則拆毀有益菌嘅「安樂窩」🌸 微生態護膚好物：3款精華推介 + 原理介紹 1️⃣LANCÔME 全新GÉNIFIQUE煥活修護精華「小黑瓶」 含有7種益生元同埋益生菌萃取物，幫助強化皮膚屏障，維持皮膚微生態嘅平衡。同時含有2大全新修復成分，包括受醫學啓發嘅活性成分BETA-GLUCAN-CM及純甘草跟萃取益生元，7天極速修護1年肌膚損害！ 2️⃣ESTĒE LAUDER 微精華活膚原生液 採用先進發酵技術，包括全新專利後生元12+及98.9%生物活性乳酸菌 ，幫助鞏固肌膚嘅物理及生物動力屏障，打造穩定健康肌膚。仲有助肌膚對抗顯著泛紅及刺激，提供持續24小時長效保濕。 3️⃣SK-II 護膚精華「神仙水」 含有超過90%嘅SK-II 經典Pitera™成分，係透過對一種特殊嘅酵母進行專門發酵後，所獲得嘅半乳糖酵母樣菌發酵產物濾液。蘊含超過50種微量養分，例如維他命、礦物質、氨基酸、有機酸，可以幫助平衡皮膚嘅微生態，令皮膚更加健康有光澤。 ⚖️ 記得，護膚唔係殺菌，而是生態平衡嘅藝術~

閱讀內文
2025-03-10
【潔面成分全解讀】從酸鹼值到表面活性劑，一文揀啱潔面產品！

 每日用潔面產品，但點解有人越洗越透亮，有人就洗到爆瘡敏感？原來潔面唔係「有就得」，背後暗藏分子級別嘅科學理論！今次同大家解構各類潔面產品嘅「真身」同潛規則～ 🔬 潔面產品分類學：睇穿成分表嘅文字遊戲 📌必知專業詞：表活劑 (Surfactant)！表活劑=表面活性劑，專門降低水同油之間嘅張力，等佢哋可以混合帶走污垢！我哋日日用嘅沖涼液、洗頭水、牙膏等產品都有表活劑，但唔同表活劑清潔力同刺激性差好遠，快啲拎起你支洗面膏對照下係咩成分！ ❶ 皂基系（soap-base)：清潔高手💡解構：酸鹼中和產生「皂」，pH值高達9-10，去油力強勁，泡泡豐盈，最岩健康油性肌做深層清潔，乾性肌/天氣變乾時使用可能過度清潔。💡留意：如果你宜家用開果種越洗越乾，就要留意是否是皂基產品啦。✔️認準字眼：脂肪酸（Lauric/Myristic Acid 月桂酸/肉荳蔻酸）＋鹼劑（Potassium Hydroxide 氫氧化鉀） ❷ 氨基酸系：敏肌救星💡解構：屬於陰離子表活劑，pH值5.5-6.5，貼近肌膚，主要靠電荷吸附污垢，正因其相對溫和，所以不同膚質都岩！乾性肌、敏感肌、醫美後均可使用。💡留意：朝早出街搽咗防曬，夜晚返屋企想用潔面產品直接卸除？請留意氨基酸系潔面卸除物理防曬嘅能力稍弱，建議搭配專業卸妝產品做雙重清潔。✔️認準字眼：xxx醯谷氨酸鈉/甘氨酸鉀（例：Sodium Lauroyl Glutamate 月桂醯谷氨酸鈉） ❸ APG系（烷基葡糖苷）：天然溫和💡解構：屬于非離子表活劑，成分源自植物萃取，用氫鍵包住油脂帶走，以達到去除油脂污垢的效果，適用於濕疹/皮膚炎症發作期，或者嬰兒肌/超乾燥肌做日常清潔啦，可卸淡妝。💡留意：APG系產品泡泡較少，沖水後易有「滑lulu感」，是否鍾意呢種狀態就因人而異，所以市面上也有些產品會將APG和氨基酸等成分配搭使用。✔️認準字眼：Decyl Glucoside 癸基葡萄糖苷 / Coco-Glucoside 椰油基葡萄糖苷 ❹ 酵素系：去角質幫手💡解構：所謂酵素，也就是酶，能夠生物分解角質蛋白，而且通常會再加微粒來做磨砂，起到雙重清潔作用。適用於油性痘痘肌膚每週1-2次深層清潔，或者黑頭粉刺嚴重時急救啦。💡留意：由於皮膚角質層含角蛋白，酵素分解時需控制時間，頻繁使用可能導致皮膚受損，唔好日日當普通洗面用喔！✔️認準字眼：Protease 蛋白酶（木瓜酵素） 🚫 潔面地雷行為診斷室錯用熱水：超過38°C熱水會洗去對臉部起保護作用嘅皮脂膜，加速水分流失經常按摩：潔面產品在臉部停留按摩太久＝主動邀請泛紅敏感！過度清潔：洗後「吱吱聲」≠乾淨，實情是角質層脫脂SOS訊號未洗手摸面：街頭細菌數量超標，未洗手摸面＝自製暗瘡 🌟 小編嚴選：4款教科書級潔面神器+膚質攻略 ⓵ 油性肌/混油皮必入：POLA B.A 潔面乳🌱溫和皂基幫助抗糖化，去除污垢和多餘油脂，同時具有抗氧化作用，軟化角質層，改善肌膚狀態。⓶ 敏感肌/養膚期推介 ：DERMALOGICA 潔面啫喱🌱蘊含天然皂樹，能有助輕易形成豐盈泡沫，去除毒素和老化角質，另外含有具有鎮定作用的薄荷香脂和薰衣草提取物，可潔面同時舒緩肌膚。⓷ 中性肌膚嚴選：PHILOSOPHY purity made simple 三合一潔面乳🌱添加白芒花籽精油，採用雙重清潔系統配製，將清潔活性物質混合到保濕霜中，有效清潔同時滋潤皮膚，穩定皮膚狀態。 ⓸ 非敏感肌深度護理：DERMACEPT 維他命C酵素洗顔粉🌱糅合純維他命C及2種酵素（蛋白酶及脂肪酶），有效清除老化角質，分解毛孔內污垢並暢通閉塞毛孔。

閱讀內文
2025-02-20
【抗糖抗氧逆齡戰】你必須知嘅肌膚保鮮術🌟

 後生女怕暗啞，中女怕皺紋？🔥 唔駛驚，今次教你同皮膚玩「走糖抗氧」遊戲！   1️⃣抗糖＝同甜品Say拜拜🥺？NONO，又唔駛咁慘嘅！糖為我地日常活動提供能量，要KO肌膚嘅糖化危機，只要唔俾多餘嘅糖分黐住膠原蛋白，佢地結合唔到，就唔會影響膠原蛋白嘅彈性，導致肌膚鬆弛，皺紋產生💢。而唔少食物或美肌產品中嘅抗糖成分幫你KO肌底糖化，等塊面自帶高光，解鎖彈亮透肌💡～  2️⃣ 抗氧化＝後生多十年？ Bingo！自由基呢隻「氧化怪獸」24/7搞破壞，對細胞和組織造成傷害，加速皮膚老化，而抗氧化成分就係你嘅最强防綫，能夠中和自由基，日防污染夜修復，等你皮膚逆齡保鮮💁🏻‍♀️！ 揀啱成分，抗糖抗氧「Double Kill」，皮膚先會自帶濾鏡📸！

閱讀內文